منتدى حلوة يا بلدي
اهلا و سهلا عزيزي الزائر بمنتدى حلوة يا بلدي ...

عزيزي المستخدم ...
ان كنت من اعضاء هذا المنتدى فاضغط دخول
و ان كنت عضو جديد فاضغط تسجيل

ولكم جزيل الشكر ادارة المنتدى

نتمنى لك المتعة و المعرفة ..
و هذه دعوة للتسجيل بمنتدانا المميز
دخول
أفضل 10 أعضاء في هذا المنتدى
2229 المساهمات
595 المساهمات
548 المساهمات
424 المساهمات
382 المساهمات
339 المساهمات
235 المساهمات
231 المساهمات
198 المساهمات
179 المساهمات

شاطر
استعرض الموضوع السابقاذهب الى الأسفلاستعرض الموضوع التالي
avatar
Yomna
عضو نشيط
عضو نشيط
رقم العضوية : 21
عدد المساهمات : 382
نقاط : 1109
تاريخ التسجيل : 07/05/2016
الاقامة : Syria
البرج : الميزان

مغامرات نسائية رمضانية

في 9/6/2017, 5:59 pm
قصه صبيه متزوجه جديد
هاد أول رمضان مع زوجي
عزمونا أهلو من أول يوم بس انا تقلت حالي ..بصراحة أنا من وقت ما تزوجت مدري شو صرلي .
صارت نفسيتي محمّضة وكتير رفعت مناخيري .. عنجد الزواج بيعطي هيبة .
طبعا" بدون أي نقاش قضيت اول 6 أيام عند أهلي ..
لحتى جوزي صار يخجل من أهلو كتر ما يتحجج و يأجّل .....
اليوم رحنا عالفطور
من كتر مو أنا حيّة درستها بمخي .. انو لازم نوصل قبل أذان المغرب ب 5 دقايق حتى لاقي كلشي جاهز .
ضليت 3 ساعات عالمراية .. انا عروس وبيلبقلي اطلع ملكة..
وخاصة رح يكونو سلايفي هونيك .. خليني أظهر بيناتهم الكنة الدلوعة النعنوعة والزغنطتة أد كدا هو .
أول ما فتت من عالباب مديت أيدي سلّمت من روس أصابعي ...ووجهي متل الساعة عقرب من فوق وعقرب من تحت ...
سلمت على مرت عمي وعمي وبوستهن
سلفاتي سلمت عليهون بنفسية ،ونفشت ريشاتي وكأني طاووس .. ويلي خلاني أعرِّش أكتر وأكتر هوي فوز الريال بالكأس مبارح .. وسلايفي برشلونيات ياحرام .
بلا طول سيرة رحت عالسريع قعدت بالكرسي يلي بالصدر ...لأنو الصدورة للبدورة .. وبلش الآذان وصرت آكل متل القرفانة وأنو مافي شي عاجبني ..
وطبخهم مو طيب وهيك ..
عمي قلي تفضلي يا بنتي كلي
هاد بيتك لا تخجلي..
انا قلتلو : عمو ما تواخذني انا ما كتير بحب آكل منشان ما أسمن وصير قد البقرة .. واتطلعت على سلفتي الكبيرة ..
سلفتي أم طلال تشردقت وصار يطلع الرز من شواربا موعارفة كيف بدها تبلع اللقمة .. حست الحكي الها لانو كتير هية سمينة .
سلفتي التانية أم وجيه صارت تدحها على ضهرها حتى ما تتشردق .. وشربتها مي وبلشت تجحر فيني وتتزور ..
أم وجيه هاي لحالها حكاية بتشبه السحلية تبع رامز تحت الأرض .
متت من الضحك وهنة غيرانين مني .
المهم خلصنا فطور أنا قمت غسلت أيديي وتربعت قدام جوزي وتمعشقت فيه عمشقة...
أنو هيك تعو شوفوني شو رومانتيك وحب وحركات .. وطقوا موتوا .
سلفتي أم طلال وأم وجيه راحو عالمطبخ يجلو وكل ما يقيموا صحن يتزوروني كل زورة بتقص برج إيفل بالنص.
صارت حماتي وعمي يقولو لسلفاتي وين الفواكه والحلويات للعرسان يلله تحركوا ..
انا بس شفتهم راحوا يخدموني حركتلهم بحواجبي وجاكرتهم، ياخ حيموتو مني مقهورين من الملكة.
أحلى شي وقت قعدنا ،يا دوب قعدو سلفاتي .. قالت حماتي وين القهوة قبل ما نروح عصلاة التراويح !!!
قومي أم وجيه عملي قهوة الله يرضى عليكي .. وإم طلال حطي صحن بسكوت وتمر طيب مع القهوة ...
انا هون خواصري فرطوا .. وصرت مد لساني وجاكرهم .
خلص هون سلفاتي فقعت معون عالاخر قعدوا ساعة بالمطبخ يتوتوتوا ويحكو عليي ..
صدق المتل يلي قال ..
عقربتين بالحيط ولا سلفتين بالبيت .
شربنا القهوة وانا منافسي تعلو وتزدهر...
أذن العشاء .. جهزوا حالون عمي ومرت عمي وجوزي مشان يصلو تراوييح بالجامع ... هنة طلعوا من هون وأنا شفت هديك الشوفة من هون .
أم وجيه فورا" ركضت على باب البيت معا المفتاح وقفلتو تلات طقّات.
وصفّرت لأم طلال تجي ... قربو لعندي التنين رفعو كمام عباياتون ونظرات ريا وسكينة تبع ح نريحوكي
أم طلال ذو الحجم العائلي نطت عليي نطة جابتني فعس معس بالأرض متل مصارعين السامو .. قالت لطلال روح ماما جبلي عصاية القشّاطة بدنا نمدها فلقة لهالمكيودة ..
طلال كان قاعد عند الباب زعلان لانو ما اخدوه عالتراويح .. بس وقت شاف في مغامرة ، قام من مكانه وركض جاب العصاية وعطاها لأمو ..
أم طلال قالتلا لأم وجيه تعي ثبتيها من رقبتها حتى أستحكم فيها ..
أجت أم وجيه وما آدراك ما أم وجيه سحبتلي راسي وحطتو تحت باطها ... يا ويلي .. عليها ريحة باط عليي الحلال كيماوي نظامي .. انا هون بلشت بدي أفقد الوعي .. وصرت أأشر بأيدي انو خلص أستسلمت
قالولي : ليكي ولي حرباية .. عاملة دلوعة يا بلوعة ..
انتي كنة .. بدك تشتغلي متلك متلنا ..
قلتلون : اي اي اي والله اي
قالولي : لسا بدك تحطي رجل على رجل وما تشتغلي وتشمتي فينا
قلتلون: لا والله لا
قالولي : طيب روحي سماح هلق انتي بث تجريبي.
بعد ساعة رجعوا بيت حمايي وجوزي من التراويح ...
سلفاتي قاعدين عم يتابعو الهيبة ويقصقصو بزر ...
استغربو انا ويني ؟؟؟
جوزي قال مرتي وينا?
انا بس سمعت صوتون أجوا ركضت من ع المطبخ لابسة مريول الطبخ وحاطة تحت باطي قنينة التمر الهندي وجاط كبير بإيد التانية وقلتلون ترا رارا
بوشار تايم.
وضحكت أم طلال وضحكت ام وجيه وضحك عمي و ضحك طلال وضحك الجميع ..
وكل رمضان وانتو بخير
avatar
Admin
مدير المنتدى
مدير المنتدى
رقم العضوية : 1
عدد المساهمات : 2229
نقاط : 4949
تاريخ التسجيل : 09/04/2016
الاقامة : S Y R
العمل : : programmer
البرج : القوس
http://www.mo7it.esy.es

رد: مغامرات نسائية رمضانية

في 10/6/2017, 11:23 am
هاي نتيجة التكبر
هيك صار معها

★***********************************************★
السعيد لا يملك كل شيء ، ولكنه يسعد بكل شيء يملكه.

www.mo7it.esy.es
avatar
البرنس
عضو جديد
رقم العضوية : 31
عدد المساهمات : 164
نقاط : 649
تاريخ التسجيل : 03/11/2016
الاقامة : كوكب الارض
العمل : : اجهزة طبية

رد: مغامرات نسائية رمضانية

في 16/6/2017, 4:22 am
ﺍﻧﺎ ﺑﺲ ﺳﻤﻌﺖ ﺻﻮﺗﻮﻥ ﺃﺟﻮﺍ ﺭﻛﻀﺖ ﻣﻦ ﻉ ﺍﻟﻤﻄﺒﺦ ﻻﺑﺴﺔ ﻣﺮﻳﻮﻝ ﺍﻟﻄﺒﺦ ﻭﺣﺎﻃﺔ ﺗﺤﺖ ﺑﺎﻃﻲ ﻗﻨﻴﻨﺔ ﺍﻟﺘﻤﺮ ﺍﻟﻬﻨﺪﻱ ﻭﺟﺎﻁ ﻛﺒﻴﺮ ﺑﺈﻳﺪ ﺍﻟﺘﺎﻧﻴﺔ ﻭﻗﻠﺘﻠﻮﻥ ﺗﺮﺍ ﺭﺍﺭﺍ
ﺑﻮﺷﺎﺭ ﺗﺎﻳﻢ .
هههههھههههه
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى